http://gusti.is/silakot/ Snerpill Vefumsjón 60 http://gusti.is/silakot/blogg/Longu_komin_heim Nú erum við búinn að hitta öll börn og barnabörn, fórum að sjá Mary Poppins með barnabörnum og tengdadætrum og var það alveg stórkostlegt og alveg frábær sýning og allir skemmtu sér vel. 
Nú erum við komin inní djúp í sumarbústaðinn og eru Aron Viðar og Saga Líf þar með okkur og von er á Bjarney Kötu um helgina. Veðrið hefur verið alveg frábært sól og hlýtt og logn, stundum smá hraði á því en allt í góðu. Förum aftur þangað seinnipartinn í dag, lítið stoppað í bænum enda börnin spennt að komast aftur í sveitina. 
Verðum þar í sumar og ef þið eigið leið hjá endilega komið í kaffi.
Enginn tími til að skrifa meira í dag.
Eigið góða sumardaga og farið varlega í umferðinni.]]> Wed, 19 Jun 2013 15:22:00 +0000 http://gusti.is/silakot/blogg/Longu_komin_heim http://gusti.is/silakot/blogg/Longu_komin_heim#comments http://gusti.is/silakot/blogg/Erum_a_heimleid Við fórum á Medival markað í Torrevieja um daginn, en það er svona markaður sem stendur heila helgi og þar er margt svona gamalt á ferð. Margir básar þar sem fólk er að selja svona margt sem þeir gera heima hjá sér og annað dót. Mikið af allavega flottum skartgripum, sápum og svo auðvitað bakstur og grænmeti allavega. Við sátum þarna í góðu yfirlæti með te og kaffi þegar allt í einu birtist kona sem við þekkjum og býr í Torrevieja þá var hún í sínum daglega göngutúr um bæinn, þetta var auðvitað hún Felí. Það var gaman að spjalla við hana í því litla sem við kunnum í spænsku. Hún labbaði með okkur um svæðið aftur og svo vildi hún eldilega að við kæmum með henni heim og bauð okkur í mat, þar sátum við fram á kvöld og hún labbaði svo með okkur að bílnum. Það var ákveðið að þau hjónin kæmu svo hingað í sveitina í mat á þriðjudeginum á eftir sem þau svo gerðu. Áttum við saman góðan dag og lærðum heilmikið í spænsku í leiðinni.
Nú svo höfum við verið að fara í minigolf og ég er búinn að vinna einu sinni enn, ég er bara orðin montin af sjálfri mér, maður ætti kannski bara fara að stunda alvöru golf hehe, nei það er alltof dýrt. Þetta er bara svo gaman.
Svo erum við búin að hitt Þuru og Örn og fara með þeim út að borða menu del día, ásamt Sturlaugi og Elísabetu.
En nú er allt á fullu að ganga frá þrífa og pússa og snúast í hringi við að pakka niður það er orðið svo erfitt að þurfa alltaf að vera vikta og vikta þessar töskur sem ekkert má vera í. Allar orðnar fullar af allavega dóti sem mann langar til að hafa heima og svona smotterí handa barnabörnunum.
Annars verður bara gott að komast heim úr hitanum hérna um 30 gr. alla daga og maður er alltaf sveittur og þreyttur, það er ekki einu sinni hægt að fara í sólbað maður rennur útaf bekknum í svitakasti ojjjj.
Nú skulum bara láta þetta gott heita héðan frá Spáni að sinni aldrei að vita hvað ég geri í sumar. Við verðum nú líklega mest í Skötufirðinum sjáumst þar.
Eigið góða sumardaga kæru vinir sem kíkið hingað, og Guð veri með ykkur.]]> Wed, 05 Jun 2013 16:00:00 +0000 http://gusti.is/silakot/blogg/Erum_a_heimleid http://gusti.is/silakot/blogg/Erum_a_heimleid#comments http://gusti.is/silakot/blogg/Skrifa_sma_2 Í síðust viku vorum við enn á flakki við fórum héðan á fimmtudegi með viðkomu í Quesada til að spila minigolf, svo fórum við til Los Altos og gistum þar í Ísfirðingafélagsíbúðinni í tvær nætur, vorum svona að skoða hana fyrir þau í leiðinni, takk fyrir okkur Ísfirðingar.
Dúddi átti svo afmæli á föstudeginum 10. maí það var farið á hitting og spilað minigolf og þá var ég í fyrsta sæti og vann rauðvínsflösku sem ég gaf svo Dúdda í afmælisgjöf. Það var búið að ákveða að fara út að borða með Guðrúnu og Kára um kvöldið, þau voru svo yndislega að bjóða okkur heim til sín áður, en við fórum svo að borða á Andalus sem er spænskur staður og voða góður matur og skemmtilegt andrúmsloft, þar vorum við í góðu yfirlæti fram á kvöld. Það er nú alveg hætt að vera eitthvað næturrölt á manni svo við vorum komin snemma heima að sofa. Takk fyrir kvöldið kæru hjón.
Á laugardeginum eftir að hafa gengið frá okkur í íbúðinni fórum við til Torrevieja því þar var maíhátíð sem er í anda  Andalúsíu eða Sevilla hátíðinni sem er haldin þar á hverju ári í apríl. Þar var margt að sjá heilmikil skrúðganga, fólk að dansa og borða og skemmta sér um miðjan dag. Við fórum svo heim til að hvíla okkur eftir allt þetta flakk á okkur, hmm er maður farin að eldast?
Svo vorum við bara hér heima að dúlla okkur og fara í göngutúra sem við vorum orðin löt við en erum komin í gang aftur.
Það var farið í minigolf á fimmtudaginn. Palli og Adda  eru hérna núna með dóttur sinni og tveim yndislegum barnabörnum sínum þau voru búinn að bjóða okkur í mat og að horfa á Evruvision undankeppnina, við fengum þar voða góðan grillaðan mat og skemmtilegt kvöld, takk fyrir það Palli og Adda.
Svo var aftur farið niðureftir á föstudag og þá til Ólínu skólasystur og Adda, en Dúddi var að hjálpa honum með glervegg á baðið, og þar var okkur boðið aftur í mat, takk fyrir okkur.
Svo var farið á markað í gær í Almoradí og þar var haldið uppá Evrópudaginn með mat, drykk og skemmtiatriðum það var voða gaman að horfa á þetta rokkhljómsveit og skotar að spila á sekkjapípur og dansa í pilsum að sjálfsögðu. Í dag er svo slappað af og farið verður í göngutúr á eftir.
Annars hefur veðrið verið ansi skrítið og óvenjulegt uppá síðkastið, gengur á með skúrum og svo er ansi mikill vindur svona part úr degi, en hitinn er góður alltaf um 20 stig nema á nóttunni fer niður í 15 stig, þarf ekkert að kvarta. Úti núna er loftið svo tært og útsýnið af þakinu alveg svakalega fallegt fjallið sést svo vel að maður getur næstum séð grasið gróa.
Í dag á eitt barnabarnið okkar afmæli það er hann Hektor Hermann sem er 7 ára, til hamingju Hektor. 
Eigið góða daga og Guð geymi ykkur.
]]> Sun, 19 May 2013 09:26:00 +0000 http://gusti.is/silakot/blogg/Skrifa_sma_2 http://gusti.is/silakot/blogg/Skrifa_sma_2#comments http://gusti.is/silakot/blogg/Flakk_a_okkur Við fórum í síðustu viku í heimsókn til Bertu og Auðunns í Gmla húsið og fengum þar dýrindis mat og gistum þar eina nótt voða gaman að gista þar hjá einhverjum og vera ekki að vinna neitt í húsinu bara slappa af.
Það var svo farið í minigolf daginn eftir og ég varð í öðru sæti, deginum áður var ég í fyrsta sæti en þá vorum við þrjár um það svo ég var ekki með besta skorið (hvað sem það nú er) svo ég fékk ekki vínflöskuna. En eins og ég hef sagt hér frá áður förum við í minigolf með íslendingum á fimmtudögum í Quesada og svo á sundlaugarbarnum i Mimosa á föstudögum, sleppum þessu ekki ef hjá því verður komist, enda hefur manni farið mikið fram, ja svo er maður náttúrulega mis upplagður.
Svo nú á þriðjudaginn brunuðum við til Benidorm Guðmundur Einars. var búinn að bjóða okkur í 70 ára afmælið sitt. Við pöntuðum okkur hótelherbergi eina nótt, á hóteli rétt hjá þeim, alveg niður við strönd, mjög snyrtilegt og fínt hótel ekki með mörgum herbergjum. Svo var okkur boðið í kampavín á Hótel Balí þar sem þau gistu og þaðan var svo farið á voða flottan matsölustað, þar sem Guðmundur var búin að panta ekta spænskan mat. Það voru 6 forréttir allavega tapas og svo kom nautasteik á eftir öllu þessu og svo auðvitað gott rauðvín með og svo gat maður valið úr 5 eftirréttum. Þetta var alveg svakalega góður matur  og skemmtilegt fólk með okkur. Daginn eftir vorum við bara hress og löbbuðum alveg til enda á göngugötunni á Benidorm og var ég að skoða hvar ég var árið 1983 í sólbaði. Það hefur nú mikið breyst en samt voru ennþá sömu staðirnir og þegar ég var þar t.d. Burger king svo komum við heim seinnipartinn í gær.
Og svo er aftur verið að rjúka af stað nú er Dúddi að fara að hjálpa Adda og svo förum við í svona stúss á eftir.
Alltaf nóg að gera hjá okkur og timinn líður hratt og við verðum komin heim áður en við vitum af.
Dúddi tíndi fullt af Nísperum og við bjuggum til hlaup það er bara ansi gott, hann gaf vini sínum Fermín eina krukku og kom þá með 5 brokkolíhausa í staðinn svo nú verð ég að fara að borða fullt af því sem er nú bara hollt og gott.
Eigið góða daga, heyri að sumarið er að koma heima Guð veri með ykkur.
]]> Thu, 09 May 2013 08:54:00 +0000 http://gusti.is/silakot/blogg/Flakk_a_okkur http://gusti.is/silakot/blogg/Flakk_a_okkur#comments http://gusti.is/silakot/blogg/Svona_eitt_og_annad_4
Hér skín sólin þó hitinn sé ekki mikill, því það gengur yfir kuldakast hér á spáni en hitinn er nú samt 20 gr. en fyrir norðan er kalt snjóar jafnvel.
Við höfum verið að spá í hvað mikið hefur í rauninni breyst hérna í kringum okkur á þessum 6 árum sem við höfum verið hér. Nú eru næstum allir appelsínu og sítrónuakrarnir farnir og í staðinn er búið að setja niður kartöflur, steinselju, ýmsar káltegundir einnig hvítlaukur, svo ég tali nú ekki um alla ætiþirstlaakrarna þeir eru margir. En þetta hefur breyst svona hér á Spáni eftir að kreppan brast á þá eru allir farnir að rækta gömlu akrana sína og reyna að vinna fþyrir sér með að selja grænmeti. Já svo eru margir hveitiakrar líka það er voða gaman að fylgjast með þessu þegar maður fer út að hjóla eða ganga.

Annars er lífið ósköp rólegt hérna hjá okkur. Okkur var boðið í 70 ára afmæli Auðunns Karlssonar núna um síðustu helgi í La Marina og var voða gaman að vera með þeim, tvær dætur Auðunns komu að heiman til að vera með þeim. Við höfum ekkert getað farið í minigolf því bíllinn barð fyrir smátjóni um daginn svo Dúddi liggur nú undir bílnum alla daga á meðan ekki rignir. En það gengur á hér með skúrum af og til.

Nú fer ég alveg að verða búin í skólanum á eftir að skila tveim prófum og verður gaman að vita hvort mér tekst það í gegnum tölvuna að tala spænsku og kennarinn þarf að geta leiðrétt mig úff þetta verður sko mikið fjör þegar ég tek mig til og geri þetta, en ég hef tíma til að æfa mig til 5 mai. Svo fer ég í skólann og tek lokapróf í 1 önn í júní þegar ég kem heim.
Nú er ég byrjuð að mósaíka aftur og ætla nú að fara uppá þak á meðan sólin skín og setja nokkrar físar í verkið þið fáið að sjá það þegar það er búið.
Við höfum verið ansi gleyminn á myndavélina því miður svo það kma bara nokkrar gamlar myndir með.
Eigið góða daga og farið varlega á kosninganótt.
]]> Sat, 27 Apr 2013 11:13:00 +0000 http://gusti.is/silakot/blogg/Svona_eitt_og_annad_4 http://gusti.is/silakot/blogg/Svona_eitt_og_annad_4#comments http://gusti.is/silakot/blogg/Vorid_komid Hér í sveitinni er fínt núna hitinn fer í um 30 stig yfir heitasta tímann á daginn þá fer ég nú bara inn og læri. Annars er ég bara búinn að vera ansi dugleg við námið sit hérna við tölvuna frá því ég vakna og fram á 2 á daginn þá er smá pása, sólbað og matur svo fer ég nú stundum aftur á kvöldin ef ekkert skemmtilegt er í sjónvarpinu. Það mætti nú halda að ég væri í stífu háskólanámi eins og ég tala, en þegar maður er komin á þennan aldur og hefur ekki verið í skóla í ja 35 ár líklega þá er þetta svolítið strembið. Maður þarf að læra að læra sé ég. Ætli ég fari ekki bara í skóla til þess eða bið tengdadætur mínar um aðstoð, þær hafa báðar verið í svona fjarnámi. Nóg um nám í bili.
Á sl. fimmtudag fórum við til Benedorm til að kjósa, við ætluðum nú að fara með rútu en þær voru fullar sko 2 rútur. Við vorum búin að bjóðast til að keyra fyrir Auðunn og frú sem þau svo þáðu svo við fórum bara á fína bensanum þeirra til að kjósa. Það var bara ansi gaman að fara þetta nema það var blindaþoka í Benedorm og hálf kalt með henni það létti ekki til fyrr en við vorum að fara heim aftur. Við gengum  um bæinn og fengum okkur að borða og spjalla við fólk en um 107 íslendingar kusu þennan dag, sem var alveg met hér. Svo var okkur boðið í kaffi og brandý á eftir, en ég segi ekkert hver bauð það er leyndarmál.
Svo buðu Berta og Auðunn okkur í mat á föstudagskvöldið en þau voru í húsi rétt hjá Gamla húsinu og systir Auðuns og mágur voru þar líka. Skemmtilegt kvöld og takk fyrir okkur kæru hjón. 
Annars er nú ansi lítið að frétta allt gengur sinn vanagang hér í sveitinni við fórum út að hjóla snemma í morgun áður en það hitnaði of mikið það var mjög hressandi, því ég hef ekki farið á hjólið lengi, bara leti.
Nú er tréð okkar í miklum blóma komnar margar Nísperur á það og verður gaman að smakka þær þegar þær hafa þroskast aðeins betur en Dúddi er nú farinn að borða þær honum finnst svo gott súrt.
Þetta er nú bara orðið gott hjá mér, það er jú ansi eitthvað tómlegt hérna enginn hringir, því nú eru Helga og Gummi farin heim og maður er strax farinn að sakna þeirra.
Eigið góða daga elskurnar og Guð geymi ykkur
]]> Sun, 14 Apr 2013 16:32:00 +0000 http://gusti.is/silakot/blogg/Vorid_komid http://gusti.is/silakot/blogg/Vorid_komid#comments http://gusti.is/silakot/blogg/Ferdalag_med_Disu_og_Andreu Á páskadag var ákveðið að fara í smá ferðalag, það var svona smá rigning þegar við fórum en vonuðum að veðrið væri betra þangað sem við fórum, það var suddi alla leið til Alcalá del Jugar þangað sem ferðinni var heitið. Þetta tók um tvo og hálfan tíma að keyra því það var ansi mikil umferð komin á hraðbrautina og stundum lúsaðist maður áfram. En þegar þangað var komið var komin sól og logn en hitinn var um 14 gr. Við duttum niður í dalinn eða gilið og þar var ansi margt um mannin enda frí hjá öllum.
Það er alltaf svo gaman að koma í þennan bæ hann er svo stórkostlegur,  hann á engan sér líkan hér á Spáni held ég. Mörg húsin eru grafin inn í fjallið og hanga þar út. Falleg á sem rennur í botninum á gilinu og svo trónar efst upp stór kastali til að passa allt. Kirkjan er nýuppgerð og er ansi falleg, það var verið að taka hana í gegn þegar við fórum þangað með Jóni og Ástu fyrir tveim árum.
Þarna er líka safn inni í helli og þar eru margir munir sem hafa fundist þarna í gilinu og steingerfingar af kuðungum og skeljum sem eru um 400 milljóna ára gamlir, það stóð allavega á skiltinu. Svo gengur maður inn löng göng og þá kemur maður í veitingasal þar sem hægt er að fá mat og hressingu og þá er maður komin gegnum fjallið með flottu útsýni í hina áttina.
Við vorum þarna drykklanga stund og borðuðum nestið okkar bara fyrir utan bílinn.
Það var svo haldið heim á leið og þá byrjaði að rigna og það ringdi alla leiðina heim og allt kvöldið. Við slepptum hraðbrautinni og tókum bara sveitavegina heim, það tók aðeins lengri tíma en það er gaman að skoða sveitir Spánar með öllum þessum fallegu ökrum og gömlu húsum.
Nú fara gestirnir heim á morgun og þá verður rólegt í kotinu, líklega bara of rólegt, en þá tekur lærdómurinn við og að ég nái prófinu í vor. En ég þarf víst að taka próf í spænsku þegar ég kem heim  úffffffff.
Það er líklega frí í skólum hér í dag því öll börnin hans Fermíns eru hér og mikil læti.
Eigið góða og fallega daga.]]> Wed, 03 Apr 2013 09:37:00 +0000 http://gusti.is/silakot/blogg/Ferdalag_med_Disu_og_Andreu http://gusti.is/silakot/blogg/Ferdalag_med_Disu_og_Andreu#comments http://gusti.is/silakot/blogg/Gledilega_paska Á síðasta mánudag fórum við með Bertu Svenna og Auðunni manni hennar til Granada til að skoða Alambrahöllina og var lagt af stað eldsnemma um morguninn til að reyna að komast að til að skoða höllina. En svo var ákveðið að fresta því til daginn eftir því við vorum búin að panta okkur hótelherbergi á mjög góðu  verði. Svo það var bara keyrt i rólegheitum ef hægt er að kalla það svo á hraðbrautum og skoðuðum okkur aðeins um. Stoppuðum t.d. í Lorca þar sem jarðskjálftarnir voru fyrir tveim árum síðan. Það var voða gaman að ganga þar um bæinn og eitthvað sáum við af þeim miklu skemmdum sem urðu þar í skjálftanum.
Við keyrðum svo framhjá kúrekabænum þar sem margar kúrekamyndir hafa verið teknar, en við fórum svo hratt framhjá aflegggeranum að við gátum ekki stoppað en við sáum þetta vel úr bílnum, stoppum bara næst. Við vorum komin fyrir kvöldmat á hótelið og fengum okkur að borða á hótelinu og þar var þetta fína hlaðborð með allavega réttum og fíneríi, og gestirnir auk okkar þar voru bara japanir fimm rútur. Það var svo bara farið snemma að sofa því það var ákveðið að fara snemma að skoða höllina og þangað vorum við komin um 10.00 og vorum að skoða og labba um þarna til kl. 2.00 en þá áttum við að vera komin út, því þá kom næsta holl inn. Því miður föttuðum við ekki að panta miða áður til að sjá það flottasta í höllinni því það var allt uppselt en það þarf víst núna að panta tíma til að fá að komast þangað inn, því ásóknin er svo mikil. En þarna voru líka ansi margir japanir líklega þeir sömu og við vorum að borða með um kvöldið.  En þetta er alveg svakalega gaman að skoða. Það var ekkert sérstakt veður hálf kalt og rigning en ekki mikil. Skrítið að þegar við fórum þarna 1999 með Helgu og Lilla þá helliringdi allan tímann svo nú gátum við skoðað þetta aðeins betur, en þá var þetta fínasta ekki lokað eins og núna.
Svo var haldið heim á leið og þá kom símhringing,, hvar ert þú, ,,ég er á leiðinni heim frá Granada,,  ,,nú ég er á flugvellinum,, ,,ha, hvað flugvelli í Alecante,, já,, ,,ertu lent, en þú áttir ekki að koma fyrr en á morgun,, ,,já við erum á flugvellinum,, Þá var þetta hún Dísa mákona mín og Andrea dóttir Jóns Smára komnar, en við áttum ekki von á þeim fyrr en á miðvikudag, þess vegna fórum við til Granada með Bertu til að vera komin aftur þegar þær mættu þessar elskur. Nú voru góð ráð dýr og hringt var í besta vininn, hann Gumma og spurt getur þú reddað mér systir mín er lent og við komum ekki fyrr en eftir 3 tíma, ,,jújú ég var að koma af vellinum ég fer bara aftur,,. Það er nú óborganlegt að eiga svona góða vini. Heima hjá Helgu og Gumma sátu þær svo stilltar og prúðar og biðu eftir þessum kjánum sem hlusta ekki betur á hvaða dag á að lenda þegar fólk er að koma í heimsókn.
En allt er þetta nú í góðu lagi, það er búið að fara á markað, í stóra mollið og kaupa helling af fötum á litlu verði, og nú er legið í sólbaði uppá þaki. Þær hafa fengið eins og flestir gestir að afhýða baunir. Við fórum líka að horfa á eina skrúðgöngu ætlum líka í kvöld í Almoradí og Rafal annað kvöld nóg að gera og engum leiðist, prjónað á milli.
Eigið góða pákadaga og Guð geymi ykkur.
]]> Fri, 29 Mar 2013 15:26:00 +0000 http://gusti.is/silakot/blogg/Gledilega_paska http://gusti.is/silakot/blogg/Gledilega_paska#comments http://gusti.is/silakot/blogg/Para_sma_a_blad Það er ósköp erfitt að vera komin á þennan aldur og altíeinu að fara að taka uppá á því að fara í skóla á netinu og hafa svo allt í ólestri í tölvunni. Ég get ekki opnað þetta sem ég á að opna og læra eftir og margir eru að reyna að hjálpa gamlingjanum að laga þetta, en það vill ganga seint. Ég er orðin alveg pollróleg yfir þessu, annaðhvort næ ég prófinu eða ekki, og það verður í vor þegar ég kem heim, gaman hjá mér. Þetta er nú meiri vinna en ég bjóst við en voða gmana að hafa eitthvað til að glíma við annað en prjónana og Dúdda.
Við fórum á þorrablótið hérna um daginn, og var voða gaman að fara og borða þorramat í glampandi sól og fínu veðri um 18 gr. um kvöldið. Maturinn var alveg svakalega góður, þó hann væri komin langa leið.
Á síðasta laugardag bauð Helga frænka mér svo í leikhús í Torrevieja og við sáum Cats sem ungt fólk sýndi af miklum myndarskap, ég hafði aldrei séð Cats áður og þetta var bara mjög skemmtilegt, allt sungið á ensku, Það var Lionsklúbbur hérna í Torrevieja sem stóð að þessu og voru seldir happdrættismiðar og svo var dregið í hléinu en við keyptum enga miða.
Dúddi var að hjálpa Gumma að losa íbúð fyrir vini sína, svo við vorum þarna um helgina. Fórum svo heim á sunnudag þegar búið var að losa næstum allt.
Það er gott að geta hjálpast að við ýmis verk sem koma uppá, ekki þekkir maður svo marga hér til að betla á um hjálp.
Hér skipast á skin og skúrir, í gær var glampandi sól en í dag hellirignir og svona hefur það verið í smá tíma en sumarið kemur um næstu helgi segir veðurfræðingurinn og ekki skrökva þeir!!!! 
Það er nú voða rólegt hérna hjá okkur í kring enginn hani eða kalkúnn á þakinu hjá Fermín, ég sakna hanans það var alltaf svo notalegt að heyra í honum á morgnana og svo aftur seinna um daginn, eftir að hann vaknaði eftir siestuna, nú er ekkert hjá honum. Hvað þau ætla að borða um pákana væri nú gaman að vita. Fermín gaf okkur helling af baunum og ætiþirslum um daginn og nú er búið að ganga frá því í ískápinn, svo dugleg húsmóðir hún Þórdís hmmm.
Þetta er nú bara gott í bili hjá mér verð bara duglegri næst eða fljótlega þegar ég fer í páskafrí en þá kemur Dísa Guðm. og Andrea barnabarn hennar í heimsókn. Það verður gaman að fá gesti.
Eigið góða daga og farið farið varlega.



]]> Tue, 12 Mar 2013 16:11:00 +0000 http://gusti.is/silakot/blogg/Para_sma_a_blad http://gusti.is/silakot/blogg/Para_sma_a_blad#comments http://gusti.is/silakot/blogg/Fjarnam_og_annad_skemmtilegt Sem betur fer er ég svo heppin að eiga 2 tengdadætur sem voru búnar að kenna mér heilmikið áður en ég fór hingað út, og svo sonur minn í Danmörku sem var í klukkutíma að kenna mömmu sinni gegnum skype hvernig hún átti að gera hitt og þetta. Svo allur tími minn á daginn fer í nám svona 4-5 timar á dag fyrir utan allt sem maður hugsar þegar maður stelst til að prjóna aðeins.
Nú lít ég allt öðrum augum á þá sem eru í fjarnámi eða bara öðru námi þetta er bölvað puð, sem maður er löngu búinn að gleyma eftir 40 ár síðan ég tók próf í því sem hét tækniteiknun, hvort það er við lýði enn í dag veit ég ekki. En þetta er alveg svakalega gaman að þrælast í gegnum þetta, með smá blóti og smá reiðiköstum yfir því að skilja ekki allt þetta  tölvudót.
Edda og Hrefna ég er stolt af ykkur tengdadætrum mínum hvað þið eruð duglegar við ykkar nám nú skil ég ykkur aðeins betur. Verst að vera svona langt í burtu til að aðstoða ykkur, sendið bara börnin hingað til mín, þá hef ég ekki tíma til að læra heheh.
Það má nú ekki gleyma skemmtanalífinu hér sem fór náttúrulega á flug um leið og við komum. Afmælisveisla og út að borða.
Vorum í 2 daga í gamla húsinu og þar fór hitakúturinn svo Dúddi skellti einum nýjum í, það tók nú lungan úr einum degi. Við vorum reyndar að bíða eftir að Þorrablótið yrði haldið, en það er ekki búið að halda það enn, verður víst á föstudaginn. Það þurfti að senda matinn aftur til Íslands út af einhverjum reglugerðum sem eru nýjar hér á Spáni, annars er ég ekki mjög fróð um þetta mál, ætla bara að mæta þegar það verður. 
Nú svo á laugardagskvöldið fórum við til lítils bæjar sem heitir San Carlos og er ekki langt hér frá, þar var okkur boðið í afmælisveislu hjá Carolinu dóttur Felí og Eladio spænsku vinanna okkar. Það var skemmtilegt kvöld innan um eintóma spánverja. Það var byrjað á danskennslu að læra Mambo, Samba og fleiri dansa svona á milli rétta og eftir matinn og á miðju balli, þetta var alveg þrælskemmtilegt góður matur 3 rétta ekta spænskur og góð vín og kostaði ekki mikið 14 evrur á mann.
Mjög skemmtilegt kvöld með góðum vinum.
Nú er fermín búinn að mála hjá sér vegginn sem snýr hingað til okkar hvítan og húsið sitt að framan sem er orðið gult. Þetta er svakalegur munur portið orðið svo bjart og fínt. Svo lætur hann rigna yfir okkur hvítlauk og ætiþyrsla voða gott saman í eggjahræru eða tortilla.
Það er best að fara að hugsa um námið aftur, kennarinn er svo góður að hún ætlar að hringja í mig á skype til að hjálpa mér aðeins að skilja þetta betur, gamli heilinn er ekki voða fljótvirkur eins og þið skiljið sem eruð komin á sama aldur.
Eigið góða daga og Guð veri með ykkur alla daga.]]> Tue, 26 Feb 2013 11:44:00 +0000 http://gusti.is/silakot/blogg/Fjarnam_og_annad_skemmtilegt http://gusti.is/silakot/blogg/Fjarnam_og_annad_skemmtilegt#comments