Áramót
Gleðilegt ár
Feliz ano nuevo
Gleðilegt ár og takk fyrir það gamla, ég óska ykkur öllum góðs gengis á nýju ári, og hafið það sem best.
Við áttum ymdislegt gamlárkvöld og nýjársnótt með okkar góðu vinum Helgu og Gumma ásamt þeirra fjölskyldu og vinum.
Þema kvöldsins var að allir skildu mæta með hatta og var það skemmtileg tilbreyting og gaman að velja sér hatta.
Það var grillað íslenskt lambalæri sem kom að heiman eftir langt ferðalag um London í óveðrinu sem þar gekk yfir. Það bragðaðist alveg svakalega vel. Rækjukokteill á undan, og heimatilbúin ís á eftir ásamt vondu kökunni sem er fjölskyldukaka hjá þeim en hún er alveg svakalega góð, marengsterta. Svo var auðvitað skálað í kampavíni á miðnætti og svo sátum við úti á Lillabar langt fram á nótt vafðar inní teppi en það var 10 gr. hiti og logn. Skemmtum okkur alveg konunglega og horfðum á ragetturnar og öll herlegheitin sem fylgja þessu kvöldi. Takk fyrir ánægjulegt kvöld öll og Óðinn takk fyrir matinn það gleymdist víst.
Á nýjársdag var okkur svo boðið í mat hjá Helgu Þurý, Jesú og strákunum, þar áttum við góðan dag,en þau komu hingað yfir áramótin og eru farin aftur til Madrid því miður. Það var svo gaman að hitta þau.
Lífið er aftur að færast í eðlilegt horf hér, fórum á sítónumarkaðinn í gær og löbbuðum um aðallega til að sýna okkur og sjá aðra, það var ansi margt fólk þar. Í dag fórum við svo í hjóltúr til Rafal að versla það sem vantaði, en í kvöld verður íslenskur silungur á borðum, sem Unnsteinn og Rut gáfu okkur þegar þau fóru heim. Bara hollusta næstu daga.
Annars er nú heilmikill dagur eftir hér á Spáni en það er gjafadagurinn þegar kóngarnir þrír koma og gefa börnun gjafir þá er skrúðganga í hverju þorpi og sælgæti hent til allra og mikið fjör.
Langar líka að segja ykkur að haninn á þakinu hjá Fermín er komin með þessa fínu rödd núna, hann hefur verið að æfa stíft undanfarið, kvölds og morgna og er bara orðin góður, verst að hann lifir nú bara fram að páskum, þá er byrjað að ala nýjan sem byrjar svo að æfa sig í des. á þessu ári. Gaman að fylgast með þessu. Nú er bara einn stór kalkúnn hann fer líka fyrir páska þá verður hann ábyggilega svona 10 kg. enda fjölskyldan stór.
Kærar þakkir fyrir góðar óskir okkur til handa hér á síðunni okkar, gaman að sjá að einhver hefur gaman af þessum skrifum mínum.
Eigið góða daga á nýju ári og Guð blessi ykkur öll.
Anna Lóa, mánudagur 03 janúar kl: 21:36
Takk fyrir samtalið á skypinu,er þetta ekki frábært tæki.
allt gott að frétta, Kolfinna er komin til okkar og verður til 18 jan, sniðugt að hafa ungling á heimilinu. Gulli bjó til pizzu, það hefur ekki verið bakað lengi hér á bæ.
Ágúst kom með skírnarkjólin og eru þau nú farin við sendum þeim góðar óskir.
Heyrumst, hafið það gott og nú fer daginn að lengja hér hjá okkur.
Helena, þriðjudagur 04 janúar kl: 15:56
Gleðilegt nýtt ár þið tvö :o) Það er greinilegt að sjá á myndunum að þið hafið verið í svakaveislum yfir hátíðarnar, yndislegt.
Heyrumst og sjáumst vonandi á skypinu fljótlega, verið að vinna í því :o)
Kv Helena.
Ásta Svana Indadóttir, þriðjudagur 04 janúar kl: 20:48
Gleðilegt nýtt ár kæru vinir flottir strákarnir með hattana og ég tala nú ekki um stelpurnar bara rétt að kvitta bestu kveðjur úr Hafnafirði
Helga, miðvikudagur 05 janúar kl: 09:22
Gleðilegt nýtt ár elskurnar og megi nýja árið færa ykkur gæfu og gengi.
Allir flottir á myndunum og með flotta hatta, gaman af þessu, að breyta til.
Kveðja til allra.
Love
Helga
Sissa og Óli Páll, miðvikudagur 05 janúar kl: 15:15
Gleðilegt nýtt ár 2011, kæru hjón.
Alltaf gaman að lesa hugrenningar þínar/ykkar og skoða myndirnar. Hafið það gott áfram, bestu kveðjur !!
Þórdís, Dúddi, miðvikudagur 05 janúar kl: 20:14
Takk fyrir kveðjurnar gaman að sjá að þið hafið gaman af þessu.
Jón Helgi Karlsson, laugardagur 05 febrúar kl: 13:48
Gaman að sjá bestu kveðjur Jón Helgi og Oddný
Svana, mánudagur 03 janúar kl: 17:54
Gleðilegt nýjár kæru hjón. vorum að koma heim í dag eftir frábær áramót með börnunum í Rvk. Það var 5 gráðu hiti þar og enginn snjór, bara rigning. Hér er líka snjólaust en spáir umhleypingum á næstunni. Bestu kveðjur,