Þórdís og Dúddi - Sólarmegin í lífinu

Nú er lífið orðið eðlilegt og hefur sinn vanagang, vakna á morgnana og hefja daginn. Það er nú búið að vera ansi mikið að gera undanfarna viku. Þrífa og þrífa, bæði inni og úti. svo skinnið er næstum farið af höndunum á manni, efnin hér eru svo sterk. Þjófarnir stálu nefnilega Super 10 sápunni minn Auður, svo ég hef verið að nota spænskar sápur sem eru svo sterkar, ég sakna super 10 sem ég tók með sérstaklega með til að þrífa nýja húsið á Spáni.
En það er gaman að elda mat hér alltaf nýtt og gott hráefni og grænmetið er svo ferskt og gott og nú borðum við mikið af því á hverjum degi meira að segja Dúddi er bara orðin nokkuð sáttur við það. Svo borðum við mikið af ávextum sem eru svo safaríkir og góðir.
Við þurfum nú að fara langt til að skrifa á okkar vél svo það er nú ekki mikið skrifað. Við höfum beðið í tvo daga núna eftir símamanninum en okkur var lofað neti og síma þann 15 des og sjónvarpi en við eigum nú ekkert ennþá.
Kannski fáum við þvottavél hjá Helgu í dag það verður nú munur að geta þvegið þessa fáu druslur sem maður á orðið.
En allt gott og ekkert jólastress hér. Hitinn í dag er um 16 en var 25 sl. sunnudag.