Það er komið vor
Það er svo gott og gaman að labba hér um akurvegina núna, appelsínutrén að blómstra og lyktin er svo góð, vildi að ég gæti sett hana á krukkur og komið með hana heim til Íslands, og sleppt henni út í Skötufirði.
Blómin okkar eru líka að blómstra og pálminn er að koma með fullt af nýjum greinum. Það er voða spennandi að sjá hvernig þetta kemur, því þetta er í fyrsta sinn sem koma ný blöð. Vínberjatréð sem Svenni gaf okkur er allt að koma til eftir veturinn það er líka spennandi hvort við fáum vínber í haust.
Á síðasta laugardag voru Helga og Gummi hér í heimsókn hjá okkur og við ætluðum að fara í göngutúr en það var svo heitt að við sátum bara frammi í húsbóndaherbergi það var svalast þar, fengum okkur kampavín og skáluðum fyrir 9. apríl. Afmælisdegi og dánardegi pabba, elsku kallinn ég hugsa að hann hafi bara verið ánægður með það og eins hvað við höfum það gott hérna í sveitinni.
Það gengur vel hjá mér í skólanum og á föstudaginn förum við Dúddi í skólaferðalag til Orihuela með öllum nemendunum í skólanum. Förum að skoða söfn og kirkjur og borða ekta orihuelanskan mat, 4 réttir, eftirmatur og alles.
Það er nú verst að þurfa að skilja gestina, sem koma á morgun eftir heima, bíllaus en nóg af mat og vonandi verður bara sólskin svo þau geti farið í sólbað. En Helga og Lilli koma á morgun og er ég orðin voða spennt að fá gesti, því það hefur enginn komið síðan í haust, get varla beðið. Helga kemur frá Íslandi en Lilli frá Sevilla þar sem hann hefur verið í golfi.
Annars gengur lífið sinn vanagang hérna hjá okkur, Fermín þessi elska kemur með grænmeti á hverjum degi og spjallar við okkur í leiðinni.
Reyndar fórum við í minigolf á Íslendingahittingnum á sl. föstudag og Dúddi vann og fékk eina rauðvínsflösku í verðlaun.
Hitinn í dag var 25 gr. og sól.
Takk fyrir innlitin og skrifin á síðuna, alltaf gaman að sjá þegar einhver skrifar smá.
Eigið góða daga.
Guðmundur Einarsson, föstudagur 15 apríl kl: 12:04
Það kemur vatn í munn þegar allar þessar kræsingar birtast. Paella vakti sérstaka athygli mína. Það er greinilega nægur matur á Spáni.
Maður hefur hugsað til ykkar þessa daga þar sem þetta góða spænska vor kemur til ykkar, en hér hoppar vorið úr og í. Ýmist sól, rigning eða snjókoma.
Það fer að koma tími á Spánarferð.
Kæru vinir gaman að fylgjast með
Guðm. Einarsson
Helga, föstudagur 15 apríl kl: 13:57
Gott að vera bara á staðinn. Horft á alla stóru kálhausana hér frammi í húsbóndaherbergi allar baunirnar og ætiþystlana.
Það er sko nóg til að eta og drekka hér á bæ.
Nýt dagsins og næstu daga. Takk elskurnar æðisleg samvera.
Love
Helga
Þura, föstudagur 15 apríl kl: 15:14
Þar gott að heyra að sumarið er loksins komið hjá ykkur, það er annað en hér á Fróni. Hlakka til að hitta ykkur hress og kát eftir mánuð. Erum farin að þrá sól og smá hita.
Bestu kveðjur,
Þura og Örn
Dísa G., sunnudagur 17 apríl kl: 01:22
Sæl elskurnar minar! Gaman að sjá allt þetta grænmeti sem þið ætlið að borða, og hvað þið eruð orðin sólbrún.Gæti alveg hugsað mér að hverfa til ykkar á þakið,þó ekki væri nema 1 dag. Krókusarnir eru farnir að blómstra herna við blokkina litu svo ljómandi vel ut í morgun og túlipanar og páskaliljur eru líka komnar upp. En nú snjóar og hlífir
blómunum í kuldanum.Auðunn kemur 7. júlí með sina fjölskyldu.Dedda ætlar að koma um páskana..Allt gott allir frískir. Gummi var á skotkeppni í R.vík í dag ,kom heim með 2 verðlaun.2.sæti í sínum.riðli og 3,sæti yfir heildina. Verið af Guði geymd.
Ásta Svana Ingadóttir, fimmtudagur 14 apríl kl: 10:35
Sæl vinkona það er nú gott að það sé komið vor hjá ykkur gróðurinn farin að taka við sér eins og er sagt hér heima.Væri allveg til í að fara eins og eina ferð á fjallið okkar og tala nú ekki um að taka góðan hjólatúr, þarna er nánast til alldrey vindur allavega þá er ekki farið út að hjóla.Ég sé að húsbóndaherbergið tekur breytingum hægt og rólega flott hjá Dúdda.Grænmetið glæsilegt frúin tekur sig vel út með kálhausinn þú hefðir ekki þurft að vera í neinu hann huldi það sem ekki má sjá.Góða ferð í skólaferðalagið við fréttum af því síðar ekki satt bið kærlega að heilsa öllum bestu kveðjur Ásta