Er í stuði, það er föstudagur, en ég ætla samt ekkert að ferðast í dag. Ég og mín frú ákváðum í gær að skella okkur í ferðalag í sumar, í júlí. Við ætlum til Spánar í 2 vikur, og fá að vera í húsinu hennar mömmu. Vera bara 4 og njóta lífsins. Hringdi í Sverrir í gær og vá, þvílíka hamingjan á þeim bænum með þetta....hann skein í gegnum símann. Saga er álíka spennt. Þetta er kannski ekkert merkilegt þannig séð, en fyrir okkur Hrefnu er þetta mjög merkilegt. Höfum ekkert farið út fyrir landssteinana í frí síðan við fórum til París, 2003 að mig minnir. Auðvitað fluttum við til DK í 2 og 1/2 ár, en það var ekkert frí! Wúúúúhahaha!

Fæddist ég, ég á því afmæli í dag. KK 37 Ísó!

Takk fyrir mig kæru Pjétur&Luda. Átti þessa fínu helgi með æskuvini mínum honum Pjétri Geir. Ýmislegt var brallað, Alþingi var skoðað, fórum á blaðaljósmyndasýninguna og út að borða. Gamlir rokktaktar rifjaðir upp og margar fínar myndir sitja eftir, eftir ferðina. Mjög fín helgi að baki, sem lengdist um einn dag vegna veðurs....