Ég kalla hana það stundum, þessa elsku.

Blaðaviðtal í bæjarblaði er skemmtileg upphefð. Ég varð þess heiðurs njótandi í þessari viku að hafa verið valinn í blaðaviðtal hjá Bæjarins Besta hér í bæ og tók hann Smári Karlsson viðtalið við mig. Finnst mér Smári skemmtilegur penni og er mjög ánægður með orðalagið og val hjá drengnum og fannst mér ég sjálfur nokkuð spennandi við lesturinn, þó mér þyki það ekki dags daglega. Hafðu þökk fyrir það kæri Smári. Með viðtalinu voru birtar einar 10 myndir, 9 eftir mig og ein tekin af vini, af mér. Þekur þetta heilar 2 síður í blaðinu og kemur bara skrambi vel út. Já maður er þá sennilega orðinn frægur á Ísafirði eins og sami aðili er tók myndina af mér sagði við mig þegar ég nefndi þetta viðtal við hann.
Meira

Fékk þessa forláta gjöf um daginn og var að hengja hana upp. Þetta er mynd eftir zeranico og má sjá hana hér. Hvet ykkur til að skoða bara alla seríuna frá honum. Takk fyrir mig.