Þórdís og Dúddi - Sólarmegin í lífinu

Hvað fær fólk á sjötugsaldri til að hleypa heimdraganum? Fara frá börnum, barnabörnum og tengdabörnum, öðrum ættingjum og vinum. Ákveða að nú förum við í ferðalagið, að vísu eftir smá umhugsun. Förum uppí  9 ára gamlan bíl, skellum okkur um borð í Norrænu og stefnum á Spáni. Þetta hlýtur auðvitað að vera gamall draumur.
Höldum sem leið liggur til Danaveldis , þaðan til Þýskalands og kaupum hjólhýsi, sem var svo reyndar stolið frá okkur. Keyrum í gegnum Þýskalands til Frakklands hægt og rólega. Svo sjáum við fyrirheitna landið rísa í sólinni og það var eins og við værum komin heim.
Við erum búinn að hugsa þetta oft á leiðinni og komumst að því að frá því árið 1985, þegar við fórum fyrst til Mallorca hefur okkur langað til að eignast hús á Spáni. Og þegar við fórum með krakkana árið 1987 fórum við meira að segja að skoða staði.  Í hvert sinni sem við höfum komið hingað á þetta svæði hefur hugsunin komið upp, og nú hefur þessi draumur ræst, þó ótrúlegt sé. Ætluðum nú bara að kaupa lítið hús í sveitinni svona til að ditta að, en nú erum við bara komin með stórt hús í sveitinni á yndislegum stað, þar sem sólin skín alla daga.
Það fer nú ýmsilegt í gegnum kollinn á manni þegar ég stend ein í eldhúsinu og er að útbúa mat á gamlársdag fyrir okkur Dúdda tvö, alltaf hafa nú verið fleiri í mat, eða okkur boðið í mat ef vinir okkar vissu að við yrðum tvö. Þetta verður nú öðruvísi áramót en maður en vanur. Við eigum ekkert sjónvarp ennþá en það stendur til bóta á nýju ári. Svo við ætlum að fá okkur göngutúr niður í þorp. En hér á Spáni er lítið um að vera þeir horfa mest á snónvarpið á þessu kvöldi svo hittast þeir á torgum kl. 12 og borða 12 vínber, um leið og þeir telja niður. Þetta ætlum við að gera í kvöld.
Í gær var hangikjötið borðað sem Óli kom með og komu góðir gestir í mat til okkar Helga, Jesu og Ivan Snær. að var svo Fromac í eftirrétt sem tókst bara vel og svo fórum við í göngutúr gegnum bæinn og svo var borðaður Dísudraumur áður en þau fóru heim. Mjög íslenskt á okkar heimili.
Óli er á leiðinni til Barcelona á hjólinu og ætlar að vera þar yfir áramótin.
Gleðilegt nýtt ár góðir ættingjar og vinir og takk fyrir gamla árið sjáumst vonandi öll hress á komandi ári þegar við komum heim yfir sumarið og verðum í Sílakoti.
Guð blessi ykkur öll. Nýjárkveðjur

Ja, nú er rólegt hér i kotinu ég ligg í leti, en Dúddi er úti að mála í 15 gr. hita. Óli fór á hjólinu til Madrid á annan í jólum, fór þaðan í dag áleiðis til Barcelona, ætlar að vera í Zaragoza í nótt og halda svo áframá morgun. Svo hann verður í Barcelona og fagnar nýju ári, hann kemur svo hingað lílega 3. jan. Við verðum því bara tvö á gamlárskvöld, en það er bara fínt sjáum hvað nágrannarnir gera. Við fórum og keyptum okkur í matinn, töskukrabba eða Buey del mar og lítinn kalkún eða Pavo það verður nú fjör að elda þetta, svo verður drukkið eðal kampavín með sem gömlu eigendurnir skildu eftir handa okkur.
En þið sem voruð með kvíða yfir vatninu í glösunum hjá okkur þá get ég sagt ykkur að við drukkum hvítvín með rækjunum, eins og sést á myndinni af öndinni þá drukkum við eðalrauðvín með henni sem heitir Marqués de Céreces. Sem einhverjir kannast nú við ha.
Við erum núna að læra spönsku á hverjum degi. Óli kom með þrjá geisladiska með spönskukennslu, mjög gott að fá framburðinn, svo þetta smásíast inn.
Guðmundur og Lóa sendu okkur pakka og þar í ásamt fleiru var líka spönskukennsludiskur sem er svona líkur tölvuleik og er ansi góður við sitjum við tölvuna og leikum og lærum. Takk kærlega fyrir pakkann við höfum varla farið úr peysunum Takk,takk elskurnar.
Takk fyrir jólakortin og pakkana, og kveðjurnar hér á síðunni það er svo gott að finna að fylgst sé með okkur.
Passið ykkur á myrkrinu og snjónum.

Gleðileg jól þið öll. Nú er komin jóladagur með 12 stiga hita og sól.
En í gær fórum við til Alicante um hádegið, öðruvísi aðfangadagur við lentum í umferðarteppu líka, og sóttum mótorhjól sem Óli var að leigja sér og ætlar að fara hér um í smáferðir jafnvel til Madrid. Þetta er alveg nýtt Harley Davidsson  voða flott, og hann alveg í skýjunum fer varla af honum brosið.
 En við borðuðum svaka stórar rækjur í forrétt svona næstum eins og spánverjar gera, svo elduðum við nýja önd,  eftir uppskrift ú spönsku bókinni minni hún var með appelsínusósu og var alveg æðislega góð mjúk og fín.
Svo gerði ég fromac eins og ég hef altaf gert með anans en hann vildi ekki þykkna nema efri hlutinn. Ég á nú enga hrærivél en ágætan handþeytara en það var eitthvað sem klikkaði kannski líka ,ég var með nýjan anans og kannski var matarlímið orðið of gamalt. Kanski kanski og ef,ef, aldrei að vita.  En hann var alveg ágætur á bragðið. En nú eru engir strákar að vakna eldsnemma til að fara fram og vera fyrstur í ísskápinn til að klára fromacinn ,  bara  hann Óli minn.
Á eftir ætlum við  að fara í göngutúr hér í kring og Óli ætlar að fara eitthvað á hjólinu.

Nú hefur verið mikið að gera í sveitinni. Taka á móti gestum og annað stúss, eins og að baka.
Ég bakaði brúna með brúnu, áður en Óli kom og eina sort af smákökum sem ég fann á netinu. Súkkulaðismákökur ansi hreint góðar. En það var vandamál með þá brúnu því í hana þarf kakó og það var ekki gott að finna, svo það var bara notað kókómalt og bragaðst hún bara nokkuð vel, eins var með flórsykur en hann fann ég á endanum. Óli kom 19. des. færandi hendi með fullt af jólapökkum til okkar og lestrarefni. Var voða gott að sjá hann og fá hann í heimsókn en hann er fyrsti gesturinn frá Íslandi til gistingar. Helga Þirý og fjölsk, komu í kaffi á miðvikudaginn og færðu okkur bæði hortensíu, appelsínur og jólapakka.
En þau verða í Madrid um jólin. Svo buðum við Unnsteini og Rut í mat á fimmtud. eldaði ég fína kjötsúpu hún var reyndar með svínakjöti en var ekki ósvipuð þeirri íslensku. Þau færðu okkur kampavínsglös og kampavínsflösku.
En nú erum við að undirbúa okkur fyrir jólin. Fórum í gær og keyptum okkur Önd og hamborgarhrygg og fyrir þetta bæði borgðuðum við 28 evrur ótrúlegt verðlag. En við ætlum að hafa önd á aðfangadag hvernig sem svo tekst að elda hana.
Svo erum við búinn að setja upp póstkassa og í hann erum við búinn að fá nokkur jólakort.
Mig langar til að þakka ykkur öllum fyrir sendingar og góðar kveðjur til okkar og svo segjum við Gleðileg jól öllsömul veit ekkert hvenær ég skrifa næst. Það hefur verið mjög hlýtt núna 15 stig og sól á köflum.

Nú er kominn enn einn sunnudagur hér í sveitinni. Og er gaman að fylgjast með fjölskyldulífinu hér í kring. Hér býr að mestu eldra fólk, og svo koma öll börnin og barnabörnin í mat heim til mömmu og pabba á sunnudögum, og stendur þetta yfir allavega í næsta húsi svona frá 2 til 4 eða 5 svona eftir ástæðum líklega. Þetta minnir mann svolítið á sunnudagssteikina hjá mömmu læri eða hrygg, en þá voru engir með afkomendur með. Nágrannin er eldri maður ekta spánverji eins og maður hefur alltaf ýmindað sér þá þettur á velli og gengur um allt og skoðar akrana sína og reynkir stærðar vindil allan daginn. Á meðan er konan hans að þrífa og elda mat allavega hálfan daginn, en þá fara þær nágrannakonur í göngutúr eða sitja hér úti í horninu og spjalla mikið. Nágranninn kom í dag til Dúdda og færði honum þrjá ætiþirsla því hann er að mála sameiginlegan vegg, en það versta er að ég kann EKKERT með þá að fara, svo vinsamlegast ef þið vitið eitthvað um ætiþirsla sendið mér línu á silakot@gusti.is eða bendið mér á hvar ég finn eitthvað um þetta. þeir eru víst herramannsmatur þetta er hér á öðrum hverjum akri. Ég fékk mér einu sinni pizzu með þeim og hún var mjög góð.
Svo langar mig til að benda ykkur á svakalega góðan ávöxt sem hefur bara verið svona almennt ræktaður hér á Spáni frá 1957 eða eitthvað svoleiðis fyrst var hann bara tré í görðum en tréð kemur frá Kína hann heitir Persimmon eða Kaki sem hann er líka kallaður hann smakkast eins og ferskja, pera og aprikósa, mikið af vitamínum í honum sérstaklega A vitam. Ég borða einn á dag.
Svo ætla ég að setja eina mynd af fallegustu gluggaskreytinu sem ég hef séð fyrir jól við fórum inn í búðina og fengum að taka mynd af jólasögunni ef þetta kemur vel út sjáið þið hvað þetta er flott. En þetta er í voða fínni gardínubúð hjá öllum husgagnaverslunum hérna rétt hjá.
Nú er bara afslappelsi ég sit og blogga eða prjóna og Dúddi les og heldur arineldinum við. En við kveitum upp kl. 5 í dag svo sitjum við bara hér í eldhúsinu en hér er fínn sófi ennþá.
Ekki lengra í dag og Halla takk fyrir uppskriftina og Jón ertu búinn að baka fyrir okkur rommkökur? hver er prósentan.